„Дванаесет лаги во 12 твитови“

Интервјуто со Владимир Путин на  поранешниот новинар на американската телевизија Фокс Такер Карлсон,  кој сега заработува правејќи пропагандни и  платени интервјуа кои се појавуваат на интернет, има предизвикано различни реакции.

Во руската јавност , дури  и онаа блиска на Кремљ, се смета дека шансата која му ја има дадено Американецот на Путин,  не била искористена како што требало. Прокремљовски блогери ги исмеваат Карлсон и неговата сегашна позиција, потсетувајќи  дека тој е набркан од работа, иако важи за мошне близок со Доналд Трамп.

Такер, пак, претходно откри дека го налутило тоа што- „чекал со часови да се појави“ соговорникот. А, како вратка за исмевањето , Карлсон после престојот во Москва и во Кремљ, на Јутјуб има речено и  тоа дека е- „страшно какви луѓе го водат светот и одлучуваат за него“.

Лажен приказ за вистината

За разлика од него, русофилите низ Европа ( и на Балканот) се воодушевуваат од настапот на Путин. Очигледно заслепени во русофилството на кое му робуваат, не гледајќи го во овој случај она што тој го има зборувано во двочасовниот соло- настап.

И во Европа и во Америкс, па дури и во Русија имаат забележано за  бројни, од рака дадени констатации, оценки и над се лажни податоци за работи за кои како шеф на држава , каква е Русија и поранешен оперативец на КГБ, би требало да знае.

Оценка е дека, сепак, не санува збор толку  за незнаење, колку  за лажно прикажување на настани и состојби, за работи врзани за меѓународни односи, за односите на Москва со Западот и посебно со САД, како и за војната која им ја наметна Украинците, но и за историјата.

Дмитри Песков, путиновиот верен и лојален соработник ,  побрза да објасни дека интервјуто не било правено за домашни потреби, туку за светот. За да што е можно повеќе луѓе (на Западот) разберат што мисли и како зборува рускиот претседател кој досега бил само критикуван и осудуван.

„Полска го приморала Хитлер да ја нападне“

После настапот со Такер Карлсон, нема никакви шанси светот- секако оној  кој не е заслепен со русофилијата, или не е  купен за да работи за Москва- да му верува на било што ќе каже, или ќе вети.

Особено откако во најновата своја верзија  за тоа- зашто ја нападнал Украинам а сега- две години- садистички ја уништува, ја поврза , или ја изедначи со 1939 година и со одлуката на Адолф Хитлер и на нацистичка Германија,  да се нападне Полска- по што започна Втората светска војна.

Според Путин, Полска тогаш „го приморала Хитлер да и објави војна затоа што била некооперативна во неговите (хитлеровите) планови“. А, тие планови беа да се истребат полските Словени и Евреи, за да територијата се населува со чистокрвни , ариевски Германци, како во Средниот век.

За еден таков монструозен план Хитлер има измислено „полска провокација“ , за која сега рускиот претседател има разбирање, како единствен во Европа и светот. Само  за да се потврди неговата ( од почетокот на војната) лажна приказна дека „Украина била закана за Русија, затоа што Западот ја вовлекува таа земја во НАТО“.

Приказна која му е потребна за да ја оправда агресија врз една  држава, членка на ОН, на која Русија и ја има гарантирано  територијалната целовитост.

Елаборација на Ходорковски

Зборувајќи за алтернативната историја, во делот на почетокот на што има потрошено близу 40 минути, тој ке рече дека Украина е „вештачки ентитет, создаден на барање на Сталин, односно дека Украиците ,всушност, се Руси, а Украина е Русија.

Вистината  е сосема поинаку- Украина е додадена СССР во 1922 година, за време на Ленин. Но Украинска народна република е создадена во 2017 година, уште пред рериторијата да биде заземена од болшевиците и била признаена од привремената руска влада.

Сите овие и вакви лажни елаборации и лажни истории од интервјуто ,  што ги нуди Путин , на едно место ги има собрано Михаил Ходорковски , поранешен олигарх  кој лажно обвинет помина десет години во затвор, а сега е во прогонство,   посочувајќи ги фактите и вистината.

НАТО ништо нема ветувано

Заглавени се како – 12 лааги и 12 твитови- па ставајќи ги на Икс ( екс Твитер) и на Фејсбук, ги истакнува  само најголемите и највпечатливите. Тука се и измислиците со кои би требало да се сменат европската и советската (руската) историја, како  и сето она што Путин и руската владеачка врхушка во Кремљ го имаат направено пред и по инвазијата врз Украина, или во времето додека тој беше само оперативец на КГБ во Дрезден, во тогашна Источна Германија.

Прво, лажното тврдење дека Запад и ветил  на Москва дека нема ширење н НАТО кон Истокот, бидејќи и Ходорковски потсетува на изјавата на Михаил Горбачов дека за тоа со западните сили  воопшто не се расправало.

Посочувајќи дека доколку Путин , навистина, не сакал ширење на Алијансата,  не требаше да води војни против своите соседи од екс СССР.

Потоа и изјавата дадена  за Такер дека „во НАТО му ветиле оти би можеле да ја признаат руската анексија врз делови од Украина“. Вистината е дека нема такво нешто. ОН ја прогласи анексијата за незаконска, според меѓународното право, што значи дека дури и некој во Алијансата да прифати легализација. НАТО нема право да му се спротвстави на ОН.

Игор Гиркин наспроти Путин

Во ваквите путинови лажни приказни влегува и упорното тврдење на Путин и  неговите дека Украинците ( наводно) се уште се сметаат себе си како Руси, иако анкатета во 2022 година ( уште еднаш) покажа дека 93 отсто од населението на земјата подржува независнист. Само 3 отсто од анкетираните  се изјасниле за спојување со Русија.

Затоа е лага и тоа дека Украина прва го има нападното Донбас. Ходорковски во својата елаборација на лажните тези на Путин , го повиикува да поразговара за тоа со Игор Гиркин кого минатиот месец го осудија на на четири години затвор.

Овој поранешен разузнавач на ФСБ, подоцна и лидер на отцепениот Донецк, сигурно, ќе  го потсети  на 12 април 2014 година. На тој ден Гиркин ги поведе локалните сепаратисти ( со руска подршка)  да го заземат градот Славјанск. Украинската авијација прв пат реагираше на крајот од мај таа година.

(С.Г.)